महाराजगन्ज , बैशाख २६
नेकपा एमालेबाट महाराजगंज नगरपालिकाको मेयरमा उमेदवारी दिनुभएका रामदास चौधरीले आफुले जिते नगरपालिका भित्र रहेको प्रमुख समस्याकाे रुपमा छाडा गाइगाेरुकाे समस्यालाई समाधान गर्ने प्रतिबद्धता गर्नुभएको छ।
विगत पाच वर्षमा कांग्रेसले गाइगाेरु काे समस्या समाधान नगरेको बताउदै चौधरीले आफुले जिते नगरपालिकामा मुख्य रुपमा रहेको छाडा गाइगाेरुकाे समस्या समाधान गर्ने बताउनु भयो।
एमालेले जिते नगरपालिकालाई खरकाे छाना मुक्त नगरपालिका बनाउने, खानेपानीको उचित व्यवस्थाका लागि ओभरहेड ट्याङ्ग्कि निर्माण गर्ने,कृषिमा उचित अनुदान दिई सिचाईका लागि बोरिङ्गको व्यवस्था गरिदिने, उच्च शिक्षा अध्यान गर्ने विध्यार्थिलाई नगरपालिकाबाटै सहयोग गर्ने लगायतका काम गर्ने चौधरीले बताउनुभयो। चौधरीले आफुले जिते जनताको सेवाका लागि आफु दिनरात खटिने र जनताको मनोभावनालाई ख्याल राखी काम गर्ने प्रतिवदता गर्नु भएको छ ।
प्रतिक्रिया