वडाको चौतर्फी विकासका लागि उम्मेद्वारी : वडाध्यक्षका उम्मेद्वार ढकाल

कपिलवस्तु, बैशाख २७ कपिलवस्तुको बाणगंगा नगरपालिका वडा नंं. ११ मा कृषि क्षेत्रलाई विशेष प्राथमिकतामा राखेर काम गर्ने वडाध्यक्षका उम्मेद्वार चेतनारायण ढकालले बताउनुभएको छ । नेकपा एमालेको तर्फबाट वडाध्यक्ष पदका उम्मेद्वार ढकालले अधिकांश वडावासीहरु कृषि पेशामा आश्रित भएकाले कृषिमा आधुनिकिरण गरि व्यवसायीक कृषिमा आकर्षित विशेष योजनाका साथ लाग्ने बताउनुभयो ।
विगतमा एमालेका जनप्रतिनिधि नभएकाले विकासका थुप्रै कामहरु बाँकी रहेकाले ती काम पुरा गर्न एमालेका जनप्रतिनिधि आवश्यक रहेकाले जिताउन आग्रह गर्नुभयो । उहाँले सम्पुणर् वडावासीको आवश्यकता र माग अनुसार वडाका विकास निर्माण लगायत सम्पुणर् योजना कार्यान्वयन गर्ने बताउनुभयो ।विभिन्न संघ संस्थाको नेतृत्व गरि अनुभव संगालेका व्यक्तिलाई उम्मेद्वारको रुपमा पाउँदा मतदाता खुसी भएका छन् ।