एमालेले जितेको स्थानमा अब्बल विकास सुदृढ शुशासन : अध्यक्ष शर्मा

भगवती न्यौपाने
कपिलवस्तु १५ जेठ । नेकपा एमाले कपिलवस्तुका जिल्ला अध्यक्ष डम्बर शर्माले एमालेले जितेकापालिकामा सुदृढ शुसासन र अब्बल विकासको अनुभुति हुने गरि काम गर्न जनप्रतिनिधिहरुलाई सुझाब दिनुभएको छ । जिल्लाका पालिका मध्ये बाणगंगा , शिबराज र बिजयनगरमा कार्यपालिका सदस्यमा एमालेले एकल वहुमत हासिल गरेसंगै संचारकर्मीसंग कुराकानी गर्दै यस्तो बताउनुभएको हो । उहाँले विजय हुने सम्पुर्णमा बधाई तथा शुभकामना समेत दिनुभयो ।

यस्तै नेकपा एमाले निर्वाचन परिचालन समिति बाणगंगाका संयोजक एवम एमाले कपिलवस्तुका उपाध्यक्ष विश्राम प्रसाद चौधरीले बिजयी भएका जनप्रतिनिधिहरुलाई धन्यवाद दिदै जनतालाई सेवा प्रवाह सक्षम भएको प्र्रत्यक्ष अनुभुति हुने गरि रचनात्मक काम गर्न सुझाब दिनुभयो ।नेकपा एमाले बाणगंगा नगर अध्यक्ष युवराज पोख्रेलले कार्यपालिका सदस्यहरुले आफनो भुमिका नगरमा महत्वपुर्णका हुने भएकाले इमान्दारिताका साथ निभाउन सुझाब दिनुभयो । कार्यपालिकामा निर्वाचित सदस्य दिलबहादुर खातीले नेकपा एमालेबाट विजय गराउने सम्पुर्णमा धन्यवाद दिदै आफुहरुले नगरवाट स्थानियले आषा गरे अनुसारको जिमेवारी पुरा गर्ने प्रतिबद्धता व्यक्त गर्नु भयो ।