पहिरोले नारायणगढ मुग्लिन सडक खण्ड अवरुद्ध

नारायणगढ २६ जेठ । चितवन । पृथ्वी राजमार्गको मुग्लिन नजिक इच्छाकामना गाउँपालिका ४ नाग्दी खोलामा पहिरो गएको छ । बुधबार राति सवा ११ बजेतिर गएको पहिरोका कारण राजमार्ग दुईतर्फी रूपमा नै अवरूद्ध छ ।अहिले बिहानबाट पहिरो हटाउन शुरू भएको चितवन जिल्ला ट्राफिक प्रहरी कार्यालयले जनाएको छ । पहिरोका कारण काठमाडो जाने आउने गाडीहरू ठप्प भएका छन् ।यो सडक राजधानी काठमाडौंलाई देशको पूर्वी र पश्चिम भेगसँग जोड्ने मुख्य मार्ग हो । पहिरोका कारण अचेल यो सडकखण्ड पटक(पटक अवरूद्ध हुने गरेको छ ।