बौद्ध बिश्वविद्यालय र यूएनडिपी बीच हस्ताक्षर

लुम्बिनी २९ जेठ।संयुक्त राष्ट्रसंघको उप–महासचिव तथा यूएनडीपीको एसिया प्यासिफिक क्षेत्रीय ब्यूरो निर्देशक कान्नी विग्नराजाले बुद्ध जन्मस्थल लुम्बिनीको अवलोकन भ्रमण गरेकी छन् । एक साता लामो नेपाल भ्रमणमा आएकी उनले मायादेवी मन्दिर, पुष्करणी पोखरी र अशोक स्तम्भ अवलोकन गरिन् । उनले अशोक स्तम्भमा द्वीप प्रज्जवलन गरेर लुम्बिनी परिसरमा वृक्षारोपण समेत गरेकी थिइन् । उनले थाई र श्रीलंकाको मन्दिर पनि अवलोकन गरिन् ।

लुम्बिनीमा भएको काम, विकास प्रयास र संरक्षणबारे लुम्बिनी विकास कोष सूचना अधिकृत हरिध्वज राईले जानकारी दिएका थिए ।त्यस्तै दिगो विकास लक्ष्य पूरा गर्न लुम्बिनी बौद्ध विश्वविद्यालय र यूएनडीपी नेपाल बीच समझदारी पत्र (एमओयू)मा हस्ताक्षर भएको छ । पाँच वर्षे योजनामा विश्वविद्यालयका उपकुलपति डा. हृदयरत्न बज्राचार्य र यूएनडीपी नेपालका आवासीय प्रतिनिधि आइशानी मेडागंगोडा लाबेले हस्ताक्षर गरेका थिए ।