पहिरोमा पुरिएका २ भारतियको शव फेला पर्यो : कपिलवस्तु प्रहरी

कपिलवस्तु ६ असार ।कपिलवस्तुको शिवराज नगरपालिका १ पुर्वपश्चिम राजमार्ग स्थीत पैरा खोलामा सोमबार विहानदुई जना भारतीय नागरिक पहिरोमा परि बेपत्ता भएकोमा दुवै जना मृत अवस्थामा फेला परेका छन् । लामो खडेरी पछि अवरिल बर्षासंगै आएको पहिरोले पुरिएर बेपत्ता भएका भारतीय नागरिक १७बर्षीय निखिल कौसल र सोही ठाउँका सुरज सोनी पैरा खोलाको पहिरोमा पुरिएका थिए । वडा प्रहरी कार्यालय चन्द्रौटाका प्रहरी निरिक्षक कपिलजंग शाहीकाअनुसार प्यूठानको स्वर्गद्धारी मन्दीर दर्शन गरि फर्कदै गर्दा भारतको बालरामपुर बस्ने उनीहरु दुवै सवार गाडी पहिरो खसेको ठाउँमा रोकिए पछि दुबै जना बाटो पार गर्न खोज्दा पहिरोसंगै पुरिएर माथिबाट आएको बाढीले बगाउँदा मृत्यु भएको हो ।

डिभिजन सडक कार्यालय शिवपुरको डोजर प्रयोग गरी अवरुद्ध पुर्वपश्चिम राजमार्ग समेत सुचारु भएको प्रहरीले जनाएको छ । उता बुटवलको तिनाउ नदीमा एक पुरुषको शव फेला परेको छ । इलाका प्रहरी कार्यालय बुटवलका प्रहरी प्रमुख ठगबहादुर केसीका अनुसार बुटवल उपमहानगरपालिका–११ प्रगतिनगरमा तिनाउ खोलाले बगाएर ल्याएको अवस्थामा एक पुरुषको शव फेला परेको हो । नदीले बगाएर ल्याएका दाउरा समात्ने क्रममा ती पुरुषलाई खोलाले बगाएको हुनसक्ने इलाका प्रहरी कार्यालय बुटवलका प्रमुख केसीले जानकारी दिए । उक्त शव बुद्धनगरका स्थानीय ६५ वर्षीय किशोरबहादुर नेपाली भएको प्रहरीले पुष्टि गरेको छ ।