३ फरक दुर्घटनावाट ८ को ज्यान गयो

पाल्पा ८ साउन। पाल्पामा बस दुर्घटना हुँदा ६ जनाको ज्यान गएको छ । दुर्घटनामा अन्य १७ जना घाइते भएका छन् । बाग्लुङको बुर्तिबाङबाट बुटवलका लागि छुटेको लु १ ख ५९५२ नम्बरको बस पाल्पाको रिब्दिकोट गाउँपालिका–२ लगुवामा दुर्घटना भएको जिल्ला प्रहरी कार्यालय पाल्पाले जनाएको छ । दुर्घटनाको कारण खुलेको छैन । घाइतेहरूको तानसेन अस्पतालमा उपचार भइरहेको छ । गाडीमा २२ जना रहेका भनिए पनि पछि बाटोमा पनि मानिस चढेका हुन सक्ने भएकाले यकिन तथ्याङ्क खुलेको छैन ।
यता कपिलवस्तुमा खाल्डोमा डुबेर एक युवतीको मृत्यु भएको छ । जिल्लाको बुद्धभुमि नगरपालिका ८ पचगैया बस्ने १८ वर्षीया सिता यादवको घर नजिकको खेतस्थित पानी जमेको खाल्डोमा डुबेर शनिबार साँझ मृत्यु भएको जिल्ला प्रहरी कार्यालय कपिलवस्तुले जनाएको छ । खेतमा काम सकेर पानी जमेको खाल्डोमा हातखुट्टा धुने क्रममा उनको डुबेर मृत्यु भएको प्रहरीले जनाएको छ ।
यस्तै अर्घखांचीको मालारानी गाउँपालिका–४ मखातका २० वर्षीय विक्रम खनालको पौडी खेल्ने क्रममा डुबेर मृत्यु भएको छ । घुमफिरमा गएको बेला शितगंगा नगरपालिका–१२ कोन्द्रखोलामा पौडी खेल्दा शनिबार वेपत्ता भएका थिए । प्रहरीले खोजी गर्दा उनी बोहेस अवस्थामा भेटिएको इलाका प्रहरी कार्यालय ठाडाले जनाएको छ । उनलाई उपचारको लागि कपिलवस्तु अस्पतालमा पु¥याइएको थियो । उपचारको क्रममा उनको आइतबार मृत्यु भएको हो ।