काठमाण्डौ, २० साउन । नेकपा माओवादी केन्द्रका अध्यक्ष पुष्पकमल दाहाल प्रचण्डले ताइवानको पछिल्लो घटनाक्रमप्रति गम्भीर ध्यानाकर्षण भएको बताउनुभएको छ ।
आज शुक्रवार बेलुकी जापान जानुअघि प्रचण्डको निजी सचिवालयले वक्तव्य जारी गर्दै ताइवान घटनाप्रति ध्यानाकर्षण भएको जनाएको हो ।
‘ताइवानमा घटित पछिल्ला घटनाक्रमप्रति हाम्रो गम्भीर ध्यानाकर्षण भएको छ । हाम्रो देश नेपाल र हाम्रो पार्टी नेपाल कम्युनिस्ट पार्टी माओवादी केन्द्र एक चीन नीतिप्रति प्रष्ट छ । चीनको राष्ट्रिय एकताप्रति बाधा हुने कुनै पनि गतिविधिप्रति हाम्रो विरोध रहन्छ’, वक्तव्यमा भनिएको छ ।
अमेरिकी प्रतिनिधि सभाकी सभामुख न्यान्सी पेलोसीले ताइवान भ्रमण गरेपछि चीन अमेरिकासँग रिसाएको छ । चीनले ताइवान नजिकको क्षेत्रमा लगातार सैन्य अभ्यास गरिरहेको छ । साथै कैयौँ मिसाइल प्रहार गरिरहेको छ ।
प्रतिक्रिया