चन्द्रौटा,२० साउन
राष्ट्रिय स्वतन्त्र पार्टीका सभापति रवि लामिछानेले सिंहदरबारको ढोका अब जनताको लागि खुल्ने बताउनुभयो । अहिले सम्म जनतालाई छिर्न नदिने सिंहदरबारमा जनताको गुनासा सुन्न तथा जीवन सहज बनाउनको लागि खोलिने उहाँले बताउनुभयो । कपिलवस्तुको चन्द्रौटामा भएको युवाकोहरुको भेलालाई सम्बोधन गर्दै लामिछानेले जनताको अधिकार खोस्न कसैले नपाउने दाबी गर्नुभयो । ‘मङ्सिर मा हुने निर्वाचनमा लाखौँ युवाहरू जीवनमा पहिलो पटक मतदान गर्दै छन् ,लामिछानेले भन्नुभयो , ‘युवाहरूले देशमा हुने बेथितिको मूकदर्शक बन्दैनन्, ।’
देशका अधिकांश नागरिकहरू साना साना समस्याले ग्रसित रहेको बताउनुभयो । मन्दिर पस्दा पनि पहुँच लगाउनुपर्ने बाध्यता आएकोले यसको अन्त्य हुने दाबी गर्नुभयो । हरेक ठाउँमा सेटिगको आधारमा आफ्ना आफन्तहरूलाई विभिन्न निकायमा नियुक्ति हुने गरेको आरोप लगाउनुभयो । देश बनाउने सङ्कल्प सहित राजनीतिमा आएकोले जनतामा सङ्कल्प सहितको विकल्प राष्ट्रिय स्वतन्त्र पाटी रहेको उहाँले जिकिर गर्नुभयो ।
२० श्रावण २०७९, शुक्रबार
प्रतिक्रिया