प्रहरी र सस्थाको पहलमा एक वर्षमा जोगिए २८० महिला

माधव बेल्वासे
चन्द्रौटा,२२ साउन। विभिन्न प्रलोभनमा पारि भारत हुँदै तेस्रो मुलुक सम्म पुराई महिला तथा बालबालिकाहरूलाई बेचबिखन हुने क्रम बढ्दोे छ । मोबाइल तथा सामाजिक सञ्जाल दुरुपयोग गरी युवतीहरूलाई विभिन्न बहानामा वर्षे नि सयौँको सख्यमा पु¥याउने र शोषण गर्ने गरेको पाइएको छ । कपिलवस्तुको कृष्णनगर नाका बाट शान्ति पुनस्र्थापना गृहले एक वर्षमा २ सय ८० जना महिलाको उद्धार गरेको छ । युवतीहरूलाई राम्रो रोजगारी दिने,तेस्रो मूलक पुराउने लगायतको प्रलोभन पारि भारत लैजाँदै गर्दा उनीहरूलाई उद्धार गरिएको जिल्ला संयोजक बसन्ती घर्तीले बताउनुभयो । संस्थाले आर्थिक वर्ष २०७८÷७९ मा कृष्णनगर क्षेत्र वाट ६ हजार ५६२ जनालाई परामर्श दिएको छ ।

भारत जाँदै गरेका तथा सीमा पार गर्दै गरेका महिला,बालबालिकाहरूलाई परामर्श दिएको संयोजक घर्तीले बताउनुभयो । उद्धार गरिएको महिला मध्ये १ सय ७५ जनालाई संस्था मार्फत,१०२ जनालाई प्रहरी मार्फत परिवार सँग पुनर्मिलन गराइएको उहाँले बताउनुभयो ।यस अवधिमा २ जना युवतीलाई अन्य संस्थाको जिम्मा लगाइएको छ । विभिन्न प्रलोभनमा पारि भारत पु¥याइएका दुई जना युवतीहरूलाई भारत पुगेर उद्धार गरिएको घर्तीले बताउनुभयो । अधिकांश युवतीहरू लुम्बिनी प्रदेशका प्युठान,दाङ,रोल्पा,अर्घाखाँची र कपिलवस्तुका रहेको घर्तीको भनाई छ ।

संस्थाको अगुवाइमा १ जनालाई मानव बेचबिखनको मुद्दा,२ जनालाई जबरजस्ती करणी र १ जनालाई सार्वजनिक मुद्दा दर्ता गराइएको घर्तीले जनाकारी दिनुभयो । घर्तीका अनुसार हरेक वडा तथा टोलमा सचेतना अभियान गर्नुपर्ने बताउनुभयो । शान्ति पुन स्थापना गृहले विभिन्न समयमा जोखिमयुक्त क्षेत्रहरुमा सचेतनामूलक कार्यक्रम गरिरहेको र यसमा स्थानीय तहले सहयोग गर्नुपर्ने बताउनुभयो ।