सप्तरी ३ भदौ। सप्तरीको हनुमाननगर कङ्कालनी नगरपालिका-५ जोगिनियामा मोटरसाइकल दुर्घटनामा परी एक महिलाको मृत्यु भएको छ।मोटरसाइकलको पछाडि सवार सप्तरीको राजविराज नगरपालिका-९ मलेठ की ४० वर्षीया अनुराधा मेहताको मृत्यु भएको प्रहरी नायब उपरीक्षक माधवप्रसाद काफ्लेले जानकारी दिए।
भारदहबाट राजविराजतर्फ आउँदै गरेको प्रदेश २-०१-००१ प ७६२ नंको मोटरसाइकल आफैँ अनियन्त्रित भई दुर्घटना भएको थियो। दुर्घटनामा परी घाइते भएकी उनको पनि छिन्नमस्ता अस्पताल राजबिराजमा उपचारका क्रममा मृत्यु भएको जिल्ला प्रहरी कार्यालयले जनाएको छ। घटनाबारे अनुसन्धान भइरहेको प्रहरीले जनाएको छ।
प्रतिक्रिया