कांग्रेसवाट धोका हुन्छ भन्ने थाहा छ तर पनि उसैसंग गठबन्धन हुन्छ :प्रचण्ड

बुटवल ११ भदौ । प्रचण्डले आगामी निर्वाचनमा गठबन्धन नटुटने बताएका छन्।उनले भनेका छन् कांग्रेसवाट धोका हुन्छ भन्ने थाहा छ तर पनि उसैसंग गठबन्धन हुन्छ ।कार्यकर्ता प्रशिक्षणका लागि सनिवार बुटवल आईपुगेका प्रचण्डले पत्रकारहरुसंग संक्षिप्त कुराकानी गर्दै स्थानीयतह निर्वाचनको परिणाम माओवादी केन्द्रका लागि सुखद नभएपनि त्यसबाट पाठ सिकेर अगाडी बढने बताए।गठबन्धन र तालमेल भने जस्तो भएन तरपनि गठबन्धन र सरकार मिलेर स्थानिय तहको निर्वाचन सफल पारेर र संघिय लोकतान्त्रीक गणतन्त्र संस्थागत गर्ने कामका लागि दोश्रो निर्वाचनको तयारी गरेको भन्दै यसलाई ठुलो सफलता मान्न प्रचण्डले आग्रह गरे।

यो गठबन्धन देशलाई ठुलो दुर्घटनाबाट बचाएको गठबन्धन हो देश बचाउनेमा गठबन्धनको भुमिका ठुलो छ तसर्थ स्थानिय तहको निर्वाचन परिणाम हेरेर भन्दा पनि त्यसबाट शिक्षा लिएर अगाडी बढने हो सत्तागठबन्धनको प्रमुख घटक माओवादी केन्द्रका अध्यक्ष रहेका प्रचण्डले भने।हामीले स्थानिय तह निर्वाचनमा भएको परिणाम लिएर प्रदेश र संघको निर्वाचनमा राम्रो गर्दैछौ उनले थपे।यस अघि प्रचण्डले लुम्विनी प्रदेशका अगुवा कार्यकर्ताहरुलाई आगामी निर्वाचनको तयारी बारे प्रशिक्षण मन्तब्य दिएका थिए।