पकडीको विशाल जनसभाले ल्याउनेछ कपिलवस्तु मै हलचल

कपिलवस्तु ९ असोज । नेकपा एमाले जिल्ला कमिटि कपिलवस्तुको आयोजनामा जिल्लाको पकडीमा विशाल जनसभा हुने भएको छ । जनसभा तथा पाटी प्रवेश कार्यक्रममा नेकपा एमालेका उपमहासचिव एवं पुर्व मन्त्री प्रदिप ज्ञवाली लगायतका केन्द्रीय नेताकपिलवस्तु आउने तय भएको छ । उक्त कायक्रममा विगतमा वर्तमान भौतिक पूर्वाधार मन्त्री (लुम्विनी प्रदेश) शहषराम यादवसंग अत्यन्तै झिनो मतले पराजित लोसपाका केन्द्रिय नेता मकसुधन चौधरी सहित लोसपाका प्राय सबै नेता कार्यकर्ता एमालेमा प्रबेश गर्नेछन् ।
यहि आउदो असोज ११ गते पकडीमा हुने कार्यक्रममा जिल्ला भरका हजारौं कार्यकर्ताको उपस्थिती रहने तथा हजारौं मानिसहरु एमाले प्रवेश गर्ने कार्यक्रम रहेको एमाले जिल्ला अध्यक्ष डम्मर शर्माले जानकारी दिनु भयो । देशमा एमालेको आवश्यकता जनताले महशुस गर्दै गएको र एमालेमा आउने जनलहर बढेको भन्दै नेता शर्माले सबै जनताहरु एमालेमा गोलबन्द हुन आवहान समेत गर्नु भएको छ । उक्त जनसभा कार्यक्रममा पाटीका कार्यकर्ता , शुभचिन्तक सबैलाई उत्साहजनक उपस्थिती भई ज्ञान आर्जन गर्न र जनसभा सफल पार्न नेकपा एमाले कपिलवस्तुले सबैमा अपिल गरेको छ । उक्त सभामा ८ हजार बढिको जनसहभागिता रहने पाटी प्रचार तथा प्रकाशन विभागका प्रमुख लक्ष्मण बेल्बासेले जानकारी दिनु भयो ।