पहिरोका कारण गोरुसिंगे सन्धिखर्क सडक अवरुद्ध

कपिलवस्तु, २० असोज ।
तीन दिनदेखि लगातार परेको वर्षाका कारण गोरुसिंगे सन्धिखर्क सडक अवरुद्ध भएको छ । सन्धिखर्क नगरपालिकाको घुम्ती भन्ने स्थानमा हिजोदेखि पहिरो खसिरहेकाले बाटो अवरुद्ध भएको प्रहरीले जनाएको छ ।

सडकमाथिबाट लेदोसहितको पहिरो निरन्तर खसिरहेको छ । पहिरो हटाउन डोजर परिचालन गरे पनि पहिरो खस्न नछाडेको प्रहरी नायव उपरीक्षक मुकुन्द रिजालले बताए ।

पहिरो सडकमा थुप्रिएकाले हटाउन समस्या भएको उनले बताए । ‘पहिरो हटाएको एकैछिनमा फेरि खस्छ,’ उनले भने, ‘पहिरो खस्दा जोखिम भयो ।’