कपिलवस्तु, ०४ कार्तिक ।
प्रतिनिधि तथा प्रदेश सभाको निर्वाचन नजिकिए संगै कपिलवस्तुमा राष्ट्रिय प्रजातन्त्र पार्टी (राप्रपा) ले आफ्ना चुनाव लक्षित कार्यक्रमलाई तिव्रता दिएको छ । यसै क्रममा कपिलवस्तु प्रतिनिधि सभा १ तथा १ को प्रदेश सभा (क) को निर्वाचन परिचालन समितिको कार्यालय उद्घाटन गरीएको छ ।
कार्यक्रममा कपिलवस्तु क्षेत्र न. १ का प्रतिनिधि सभा सदस्य राप्रपाका उम्मेद्वार धुर्वरायमाझिले नेकपा एमालेको भोट माग्ने कुनै नैतिक अधिकार नभएको बताउनु भएको छ । राप्रपा केन्द्रिय सदस्य समेत रहेका रायमाझिले शुक्रवार बाणगंगा चार नम्बरमा निर्वाचन प्रचार प्रसार कार्यलयको उद्घाटन कार्यक्रमलाई सम्बोधन गर्दै यस्तो बताउनु भएको हो । उहाँले भन्नु भयो “राजनितीक स्थिरता दिन्छौं, विकास निमार्ण गर्छौ भन्ने एमाले उम्मेद्वारले न पार्टी बचाउन सके न विकास निमार्ण गर्न सके ।” अब के नैतिक आधार छ उनिहरुले जनता संग भोट माग्ने उहाँले प्रश्न गर्नु भयो । अब कुनै पनि राजनितीक दलले जनतालाई सुनाउने केहि छैन उल्टै जनताले प्रश्न गरेका छन् । के गर्नु भयो र अहिले सम्म कहाँ लुक्नु भएको थियो ? रायमाझिले भन्नुभयो । उहाँले थप्नु भयो गठबन्धनले पनि कुनै लछार पाटो लाउने छैन् । उहाँले राप्रपाका युवाहरु एउटा परिर्वतनको लहर ल्याएर आएको बताउनु भयो । पुर्व मेचि देखि पश्चिम महाकाली सम्म राप्रपाको जन लहरले ठुला राजनितिक दल आत्तिएको उहाँले बताउनु भयो । कपिलवस्तुका जनताले राप्रपा राम्रो संग बुझेकाले अवको नेतृत्वमा राप्रपाका उम्मेद्वारलाई हलो चिन्हमा छाप लगाएर पठाउनेमा आफु विश्वस्त रहेको उहाँले जिकिर गर्नु भयो ।
त्यस्तै कार्यक्रममा प्रतिनिधि सभा १ (क) का उम्मेद्वार भोजराज आचार्यले प्रदेशसभा क्षेत्र नम्बर क का जनताले आफुलाई जिताउनेमा विश्वस्त रहेको बताउँदै आफ्नो क्षेत्र सहित सिंगो जिल्लाको विकासको लागी आफ्नो पहल हरपल हुने बताउनु भएको थियो ।
यसैबिच अजै बाणगंगा १० पटनामा पनि वडा निर्वाचन परिचालन समितिको कार्यालय उद्घाटन गरीएको छ ।
प्रतिनिधि सभा १ (क) का निवार्चन परिचालन समितिका संयोजक राजेन्द्र विक्रम साहको अध्यक्षतामा सम्पन्न भएको कार्यक्रमको सुरुमा स्वस्तिक वाचन र पृथ्वीनारायण साहको तस्वीरमा माल्यार्पण गरी सुरु भएको थियो ।
प्रतिक्रिया