कपिलवस्तु ५ कार्तिक । नेकपा माओवादी केन्द्रका पूर्व पोलिट ब्यूरो सदस्य एवम हालका केन्द्रिय सल्लाहकार सदस्य भानु प्रकाश श्रेष्ठले माओवादी परित्याग गरि एमाले प्रबेश गरेकाछन् । तत्कालिन मालेको सस्थापक कपिलवस्तुका सचिव (पार्टी प्रमुख) समेत रहेका नेता श्रेष्ठ जनयुद्ध शुरु हुनु पूर्व माओवादी प्रबेश गरेका थिए । जनयुद्धवाट मुलुक परिवर्तन हुन्छ भनेर राजनैतिक कमिसारको रुपमा नेतृत्व गरेका नेता श्रेष्ठ अन्तत्वगोत्वा फेरी एमालेमा फर्किएका हुन् ।
उनलाई एमालेका उपाध्यक्ष एवम पूर्व अर्थमन्त्री विष्णु पौडेलले टिका लगाई पार्टीको प्रदेश कार्यलय बुटवलमा प्रबेश गराएका हुन् । सोही अवसरमा माओवादीका प्रदेश कमिटी सल्लाहकार जगत गैरे समेत माओवादी छाडेर एमालेमा प्रबेश गरेका छन् । एमाले प्रबेश गरेका श्रेष्ठ चक्रपाणी खनाल बलदेवको चुनावी क्षेत्र १ नम्वरका माओवादी नेता हुन् भने अरु १ जना क्षेत्र नं ३ का नेता हुन् ।प्रबेश कार्यक्रममा एमाले केन्द्रिय नेता गिरधारी लाल न्यौपाने , प्रदेश नेता कृष्ण पौडेल ,नेतृ बिमला चौधरी कपिलवस्तुका अध्यक्ष डम्मर शर्मा पूर्व अध्यक्ष झविलाल पोख्रेल हालै एमाले प्रबेश गरेका नेता सोम अर्याल लगायत कपिलवस्तुका दर्जनौ नेता कार्यकर्ता सहभागि थिए ।
प्रतिक्रिया