ज्ञानेश्वर सहानी
नवलपरासी१३ कात्तिक ।पश्चिम नवलपरासीको ट्राफिक प्रहरी कार्यालयले पछिल्लो १५ महिनामा ३४ लाख ३७ हजार राजश्व संकलन गरेको छ ।जिल्ला प्रहरी कार्यालय नवलपरासीको अनुसार ८ सय ५० सवारी चालकलाई गरिएको कारबाहीबाट ३४ लाख ३७ हजार रुपैयाँ राजश्व संकलन भएको हो ।यस्तै, चालु आर्थिक वर्षको ३ महिनामा मात्र ६० वटा सवारी दुर्घटना हुँदा ९ जनाको मृत्यु भएको छ भने अन्य ३२ जना घाइते भएका ट्राफिक प्रहरी कार्यालय परासीको प्रहरी बरिष्ठ नायब निरीक्षक डम्बर गिरीले जानकारी दिनुभएको छ।
नवलपरासीको विभिन्न ठाउँहरु मा गत वर्षको ३ सय ८७ सवारी दुर्घटना भएको जिल्ला प्रहरी कार्यालय नवलपरासीले जानकारी दिएको छ । जसमा ६ सय ५४ जना घाइते भएको छन् भने १ सय ८ जनाको सवारी दुर्घटना मा मृत्यु भएको जिल्ला प्रहरी कार्यालय नवलपरासीका प्रहरी नायव उपरीक्षक भोजराज पाण्डेयले जानकारी दिनुभएको छ ।
प्रतिक्रिया