गोरुसिंगेलाई प्यूठान जोड्नु मेरो प्राथमिकता हुनेछ :लामीछाने

कपिलवस्तु १७ कार्तिक ।नेकपा एमालेको तर्फबाट कपिलवस्तु क्षेत्र नम्बर २ (क) प्रदेश सभा सदस्य पदका उम्मेदवार नवराज लामिछाने भुपालले गोरुसिगे देखी प्युठानको दरवाङ जोड्ने सडक निर्माण गरी गोरुसिङेलाई आर्थिक केन्द्रको रुपमा विकास गर्न बताउनु भयो । बुद्धभुमि वडा नम्बर २को घरदैलो गर्दै उहाँले केही वर्ष पहिल्यै सो सडकको विषयमा अध्ययन समेत भएको हुँदा अव सो सडक निर्माणको लागि अगाडी वढ्ने प्रतिवद्धता गर्नु भएको छ ।
एमाले विकास गर्ने दल भएको हुँदा गरेको प्रतिवद्धता पुरा गर्ने एक मात्र दल रहेको दाबी गर्नु भयो । कपिलवस्तु जिल्लामा पछिल्लो ५ वर्षमा धेरै विकास भएको समेत बताउनु भयो । सामाजिक अभियन्ताको रुपमा काम गरेका भुपाल स्थानीय स्तर स्वच्छ छवी भएको नेताको रुपमा चिनिने गरेका छन् । स्वतन्त्र रुपले समाज सेवा रहेका भुपाल एमालेले गरेको विकास देखेर प्रवेश गरेको बताउनु भयो । उहाँ २ दशक देखी कपिलवस्तुमा रही व्यवसाय गर्दै आउनु भएको छ ।