नेपालगन्ज २२ कार्तिक — बाँकेबाट पहिलो पटक प्लाइउड भारत निकासी गरिएको छ। सधैँ भारतबाट प्लाइउडका तयारी र कच्चा पदार्थ ल्याउने गरिएकोमा यस क्षेत्रबाट प्लाइउड भारत निकासी भएको पहिलो पटक हो ।
सोमबार शिखर प्लाइउडले २८ टन प्लाइउड भारत पठाएको हो । सधैँ भारतबाट प्लाइउडका तयारी र कच्चा पदार्थ ल्याउनुपर्थ्यो,’ शिखर प्लाइउडका प्रबन्ध निर्देशक चम्पालाल बोथराले भने, ‘पहिलो पटक यस क्षेत्रबाट भारत निकासी सुरुवाता गरेका हौं ।’
यहीँ उत्पादन हुन थालेपछि भारतबाट आउने करोडौँको कच्चा पदार्थ र तयारी सामान रोकिने अपेक्षा गरिएको छ। बोथरा आफैंले इकुलिप्टिस र पोपलर लहरे पिपल का तीन लाख बिरुवा लगाएका छन्।
यहाँका धेरै किसानले दुई करोड बिरुवा लगाएका छन्। कच्चा पदार्थमा आत्मनिर्भर हुँदै गएपछि बाँकेबाट तयारी प्लाइ भारत पठाउन सकिएको बोथराले बताए । भारतमा प्लाइउड पठाउन थालेपछि किसान थप उत्साहित भएको बोथरा बताउँछन् । पछिल्लो समय यस क्षेत्रमा इकुलिप्टिस र पोपलर लगाउने किसान बढ्दै गएका छन्।
२२ कार्तिक २०७९, मंगलबार
प्रतिक्रिया