भुपाल थापा
कपिलबस्तु, ०१ मंसिर ।
कपिलबस्तुको पूर्वाधार बिकास नै जितको आधार रहेको कपिलबस्तु १(२) का बाम लोकतान्त्रिक गठबन्धनका साझा उम्मेद्वार नेता सहसराम यादवले बताएका छन् । बर्तमान लुम्बिनी प्रदेश सरकारका भौतिक पूर्वाधार बिकास मन्त्री समेत रहेका यादवले आफ्नो क्षेत्र सहित सिंगो कपिलबस्तु र लुम्बिनी प्रदेशका भौतिक पूर्वाधार बिकासको प्रगति नै आफ्नो प्रगति र जितको आधार रहेको बताए ।
पत्रकारसंगको संक्षिप्त कुराकानीमा उम्मेद्वार यादवले आफ्नो जित सुनिश्चित रहेको समेत बताए । यहाँका भौतिक पूर्वाधारका क्षेत्रमा आएको परिवर्तनले जनतामा पारेको प्रभावको मूल्यांकन नै मतदानको आधार रहेको समेत उल्लेख गरेका छन् ।
जिल्लाको सबै क्षेत्र, बर्ग, समुदायको प्रतिनिधित्व बर्तमान बाम लोकतान्त्रिक गठबन्धनले गरेको भएका कारण पनि आफ्नो प्रतिनिधित्व आवश्यक रहेको उनले उल्लेख गरे । सत्ता गठबन्धनका साझा उम्मेद्वार यादवको सरल स्वभाव र भिजिनरी नेताका रुपमा कपिलबस्तु १(२)मा यादव परिचित छन् ।
यस्तै उनले निर्वाचन पछि बन्ने सरकारमा समेत आफ्नो बलियो उपस्थिती रहने भएकाले अपुरा, अधुरा योजनाले समेत निरन्तरता पाउने र बिकासले फड्को मार्नेमा मतदाता बिश्वस्त रहन आग्रह गरे ।
प्रतिक्रिया