रुपन्देहीका ५ निर्वाचन क्षेत्रकोपछिल्लो मत परिणाम

बुटवल ६ मंसिर । प्रतिनिधि तथा प्रदेशसभाको जारी मतगणनामा रुपन्देहीका ५ निर्वाचन क्षेत्र मध्ये २ निर्वाचन क्षेत्रमा नेकपा एमालेले अग्रता लिएको छ । अन्य निर्वाचन क्षेत्रहरुमा नेपाली काँग्रेस, स्वतन्त्र पार्टी र लोकतान्त्रिक समाजवादी पार्टी ९लोसपा०ले अग्रता लिएका छन् ।
रुपन्देही क्षेत्र नम्बर १ मा नेकपा एमालेका सचिव छविलाल विश्वकर्माले अग्रता लिएका छन् । उनले सूर्य चिन्हमा ७७२५ मत प्राप्त गरेका छन् । दोस्रोमा रहेका नेता घनश्याम भुसालले त्रिभुजमा १४०४ प्राप्त गरेका छन् । यसैगरी घण्टीमा ५६७, ढकियामा १५९७, महिलामा २१६ मत प्राप्त भएको छ ।
रुपन्देही क्षेत्र नम्बर २ मा नेकपा एमालेका उपाध्यक्ष विष्णु पौडेल पछि परेका छन् । यो क्षेत्रमा राष्ट्रिय स्वतन्त्र पार्टीका गणेश पौडेलले निरन्तर अग्रता कायम राखेका छन् । उनले पछिल्लो मत परिणाम अनुसार २२४४ मत प्राप्त गर्दा एमाले उपाध्यक्ष पौडेलले १९४४ मत प्राप्त गरेका छन् ।
रुपन्देही–३ मा गृहमन्त्री तथा नेपाली काँग्रेसका नेता बालकृष्ण खाँणले अग्रतालाई कायमै राखेका छन् । खाँणले रुख चिन्हमा १९४१ मतकासाथ अग्रता लिएका छन् । यसैगरी दोस्रोमा रहेका राष्ट्रिय प्रजातन्त्र पार्टी राप्रपाका दिपक बोहोराले हलो चिन्हमा १४३६ मत प्राप्त गरेका छन् ।
रुपन्देही–४ मा लोकतान्त्रिक समाजवादी पार्टी ९लोसपा०ले अग्रता लिएको छ । उक्त दलका सर्वेन्द्रनाथ शुक्लाले साइकल चिन्हमा ३९९४ मत प्राप्त गर्दा यसअघि सोही क्षेत्रबाट सांसद रहेका नेपाली काँग्रेसका प्रमोद यादव दोस्रोमा छन् । उनले २७६१ मत प्राप्त गरेका छन् ।
रुपन्देही–५ मा नेकपा एमालेका बासुदेव घिमिरेले अग्रता लिएका छन् । उनले यसअघि सोही क्षेत्रबाट सांसद रहेका नेपाली काँग्रेसका भरतशालाई उछिनेका छन् । घिमिरको मत सूर्य चिन्हमा ५९१८ आउँदा शाहको रुख चिन्हमा ४३७९ मत प्राप्त भएको छ ।