प्रदेश

गुल्मी १ मा ११ बजेबाट मतगणना सुरु हुने



गुल्मी ७ मङ्सिर । मङ्सिर ४ गते सम्पन्न भएको प्रतिनिधि तथा प्रदेशसभा निर्वाचनको मतगणना गुल्मी क्षेत्र नम्बर १ मा आजदेखि सुरु हुने भएको छ । जिल्ला प्रशासन कार्यालयमा मुख्य निर्वाचन अधिकृत तथा जिल्ला न्यायधिश वसन्तराज पौडेलको संयोजकत्वमा पुनः बुधबार बिहान बसेको सर्वदलीय तथा सर्वपक्षीय बैठकले आज ११ बजेदेखि मतगणना गर्ने निर्णय गरेको हो ।
यस क्षेत्रको मतगणना जिल्ला समन्वय समितिको सभाहल र सडक पूर्वाधार विकास कार्यालयमा गरिनेछ । मतगणना स्थलमा आवश्यक तार जालीसहित कडा सुरक्षा प्रबन्ध मिलाइएको गुल्मीका प्रमुख जिल्ला अधिकारी पुण्यविक्रम पौडेलले जानकारी दिनुभयो ।
यस क्षेत्रमा पर्ने कालीगण्डकी गाउँपालिका अर्बेनीमाअवस्थित भगवती मावि मतदान केन्द्रमा पुनः मतदान गर्नुेपर्ने भएपछि गुल्मी क्षेत्र नम्बर १ को मतगणना हुन सकेको थिएन । प्रत्यक्षतर्फको मतपत्रमा मतदान गर्नुपर्नेमा प्रदेशसभाको प्रत्यक्ष तर्फको ५५ वटा मतपत्रमा मतदान भएपछि मतदान रोकिएको थियो । र रोकिएको केन्द्रमा मंगलबार पुनः मतदान गरिएको थियो ।
यस क्षेत्रमा एक लाख १९ हजार २८८ मतदाता रहेका छन् । यहाँ सत्ता गठबन्धनको तर्फबाट नेपाली कांग्रेसका प्रभावशाली नेता, संविधान सभा सदस्य डा। चन्द्र भण्डारी र नेकपा ९एमाले० का केन्द्रीय उपमहासचिव प्रदीपकुमार ज्ञवालीबीच मुख्य प्रतिस्पर्धा हुने अनुमान गरिएको छ ।

प्रकाशित : ७ मंसिर २०७९, बुधबार

सम्पर्क

सम्पर्क ठेगाना : बाणगंगा न.पा.– ४ जितपुर, कपिलवस्तु
कपोरेट कार्यालय : बुटवल उपमहानगरपालिका, ट्राफिक चोक
प्रादेशिक कार्यालय : देउखुरी दाङ
सम्पर्क नं. ०७६–५५०२८३,५५०२६०,९८५७०५०९७०
E-mail : [email protected]

हाम्रो समूह

  • प्रवन्ध निर्देशक :  
    लक्ष्मण प्रसाद बेल्बासे
  • प्रधान सम्पादक :  
    भेषराज पाण्डे
  • कार्यकारी सम्पादक :  
    डिलाराम भुसाल
  • समाचार संयोजक :  
    हरि घिमिरे

सोसल मिडिया

सूचना विभाग दर्ता नं.

८५८-२०७५/७६