बुटवल १५ पुष । लुम्बिनी फलफुल तरकारी थोक व्यवसायी संघले १६ औ वार्षिक साधारण सभा तथा छैठौ अधिवेसनको अवसर पारेर सुस्तमनःस्थिति बाल विद्या मन्दीरमा सहयोग गरेको छ । विहिबार एक कार्यक्रममको आयोजना गरी सुस्तमनःस्थिीती बाल विद्या मन्दीरमा स्टेशनरी, फलफुल तथा जिन्सी समान सहयोग गरेको हो ।
संघका अध्यक्ष बाबुराम भुषाल, संस्थापक अध्यक्ष तथा बुटवल कृषि उपज थोक बजार केन्द्र सञ्चालक समितिका अध्यक्ष गोपाल भुषाल, ब बरिष्ठ उपाध्यक्ष मोह्मद याकुव, महासचिव मेघनाथ पौडेल, सचिव मोह्मद अनिष राईन, कोषाध्यक्ष मनिष बर्णवाल लगायतको सहभागीतामा सुस्तमननःस्थिति विद्या मन्दीरका अध्यक्ष लोकनाथ भुषाल मार्फत विद्यार्थीहरुलाई उक्त सामाग्री प्रदान गरिएको हो ।
विद्या मन्दीरका कोषाध्यक्ष चन्द्रमान श्रेष्ठ, सदस्य खेम प्रसाद गौतम, शेर बहादुर गौतम, प्रधानाध्यापक मिना भुषाल पाठक सुमित्रा टण्डन क्षेत्री लगायतकको सहभागीतमा कार्यक्रम भएको थियो । कार्यक्रममा बोल्दै लुम्बिनी फलफुल तरकारी थोक व्यवसायी समितिका अध्यक्ष बाबुराम भुषालले आगामी दिनमा पनि संस्थाले नियमित रुपमा सहयोग गर्ने बताए ।
१५ पुस २०७९, शुक्रबार
प्रतिक्रिया