सिद्धार्थ क्याम्पसमा विद्यार्थी माथि कुटपिट,प्रशासनमा तालाबन्दी

कपिलवस्तु २० पुस

कपिलवस्तुको सिद्धार्थ क्याम्पसमा विधार्थीमाथि कुटपिट भएको छ । क्याम्पसमा मंगलबारदेखि सुरु भएको खेल सप्ताहको दोस्रो दिन आज बुधबार स्नातक दोस्रो बर्षमा अध्ययनरत विधार्थी नारायण पौडेलमाथि कुटपिट भएको हो । पौडेललाई सोही क्याम्पसमा अध्ययनरत एक विधार्थीको समूहले कुटपिट गरेको बताईएको छ । ती विधार्थीले पौडेलको टाउकोमा स्टम्पले आक्रमण गरेका हुन् । आक्रमणपछि उनको टाउकोबाट निरन्तर रगत आएपछि उनलाई उपचारका लागी कपिलवस्तु सामुदायिक अस्पतालमा लगिएको थियो । अहिले सामान्य उपचारपछि पौडेललाई लगिएको छ ।

कुटपिट गर्नेमाथि कारबाहीको माग गर्दै ईलाका प्रहरी कार्यालय पिपरामा निवेदन दिएको सोही क्याम्पसमा अध्ययन छात्र मधुसुधन भुसालले जानकारी दिए । क्रिक्रेट खेल सुरु गर्ने सन्दर्भमा सामान्य विवाद हुँदा सो घटना घटेको उनले जानकारी दिए ।
कुटपिटमा संलग्न मुख्य विद्यार्थीको हाल सम्पर्क विहिन रहेको र खोजी कार्य जारी रहेको बताईएको छ । सो घटनापछि क्याम्पसले आयोजना गरेको खेल सप्ताह नै स्थगित भएको छ ।
यसैबीच सोही घटनालाई लिएर क्याम्पस प्रशासनमा तालाबन्दी गरिएको छ । क्याम्पस प्रशासनले घटनालाई गम्भिर रुपमा नलिएको भन्दै विधार्थीले तालाबन्दी गरेका हुन् । तालाबन्दी गर्ने विधार्थीहरुले आक्रमण गर्ने विधार्थीलाई कारबाहीको माग गर्दै क्याम्पसबाट निस्कासन गर्नुपर्ने बताएका छन् । आक्रमणकारीमाथि कारबाही नभएसम्म क्याम्पस प्रशासनको ताला नखोलिने र थप आन्दोलन चर्काईने उनीहरुको चेतावनी छ ।