बाणगंगाले गठन गर्यो खेलकुद विकास समिती : अध्यक्षमा सेन नियुक्त

कपिलवस्तु १६ फागनु ।कपिलवस्तुको बाणगंगा नगर पालिकामा नगरस्तरीय खेलकुद विकास समिती गठन भएको छ । पदम सेनको अध्यक्षतामा रहेको समितीमा सदस्यका रुपमा छविलाल रेश्मि मगर, रन वहादुर काउछा, सुन्दर पहराई ,कृष्णकार्की ,ड्रम्मर सोमई भरत थापा सविना आचार्य शंकरकार्की कुल वहादुर चुदाली बुद्धि पौडेल रहनु भएकोछ । जसको सदस्य सचिवमा खिम वहादुर जिसी रहनु भएकोछ । मेयरले नियुक्त गर्ने अध्यक्ष सहितका पदाधिकारी र कार्यपालिकाले मनोनित गर्ने सदस्य सहित सबैलाई एक समारोहका बीच मेयर चक्रपाणी अर्यालले आफ्नै कार्यकक्षमा पद तथा गोपनियताको सपथ गराउनु भएको छ ।
सपथ समारोहमा मेयरले खेलकुद क्षेत्रको विकासमा समितीले योजना वनाई काम गर्ने वताउनु भयो । नवनियुक्त अध्यक्ष पदम सेनले आफू पहिलै देखि खेलकुद क्षेत्रमा उल्लेखनीय योगदान गरेको वताउदै बाणगंगा स्पोर्टस एण्ड बेलफेयर सोसाइटीको अध्यक्ष भएर नेतृत्व गरेकाले यो समितीलाई समेत उत्कृष्ट बनाउने स्पष्ट पार्नु भयो । सपथ समारोहमा नेपाल पत्रकार महासंघ कपिलवस्तुका पूर्व अध्यक्ष भेषराज पाण्डे विर्तमान वडाध्यक्ष गण्ोश क्षेत्री लगायतको सहभागिता थियो ।