हरेक पालिकामा अस्पताल निर्माण भए सँगै एमालेको पहिचान बढ्दैछ

कपिलवस्तु १९ फागुन ।
नेकपा एमालेको ग्रासरुट अभियान अन्तर्गत कपिलवस्तुको बुद्धभुमि नगरपालिका २ नम्बर वडा स्तरीय भेला सम्पन्न भएको छ । केन्द्रीय सल्लाकार समिटि सदस्य इन्द्रमणी पौडेलले ओली नेतृत्वको सरकार ढले पछि बनेका २ सरकारले जनताको पक्षमा काम गर्न नसकेको बताउनु भयो ।
थारु कल्याणकारी सभा हलमा सम्पन्न भेलामा सम्बोदन गर्दै एमाले जिल्ला अध्यक्ष डम्वर शर्माले ओली नेतृत्वको सरकार ढले पछि कपिलवस्तुका ठुला योजना अलपत्र परेको बताउनु भयो । ओली नेतृत्वको सरकारको पालामा निर्माण सुरु भएको तिलौराकोट गुरु योजनाको हाल सम्म पनि सार्वजनिक नभएको टिप्पणी गर्नु भयो ।

एमाले नेतृत्वको सरकारले हरेक एक पालिका एक अस्पतालको नीति अनुसार अस्पताल निर्माणको काम अगाडी बढेको बताउनु भयो । बुद्धभुमिमा निर्माण भएको अस्पताल एमालेको नीति अनुसार बनेको जिकिर गर्नु भयो ।

वडा भेलामा एमाले जिल्ला सचिवालय टुकलाल गैरे जिल्ला सदस्य, इश्वरी प्रसाद खनाल, ठाकुर प्रसाद आचार्य, नगर सचिव धुव्र बेल्वासे लगायतको सहभागिता रहेको थियो । भेला कर्ण बहादुर महराको स्वागत, लोकनाथ न्यौपानेको संचालन र जिवलाल घिमिरेको अध्यक्षतामा सम्पन्न भएको थियो ।