बाणगंगा,कपिलवस्तु
कपिलवस्तुको बाणगंगामा अवस्थित सिद्धार्थ क्याम्पसमा स्ववियुले होली मिलन,घैटोफोर तथा शुभकामना आदानप्रदान कार्यक्रम मार्फत नेपालीहरुको पर्व फागु (होली) मनाएको छ ।
सिद्धार्थ क्याम्पसका स्ववियु सभापति शुसिल खत्रीको अध्यक्षता तथा क्याम्पस प्रमुख बेद्राम अर्यालको प्रमुख आतिथ्यतामा होली मिलन कार्यक्रम सम्पन्न भएको हो ।
कार्यक्रमको संचालन स्ववियु सचिव दिनेश चौधरीले गर्नु भएको थियो । कार्यक्रममा बोल्दै सभापति खत्रीले आपसि भाइचारा बढाउने भन्दै आपसी सदभाव नखल्वल्याई होली खेल्न आग्रह गरे ।
उनले आउदै गरेको स्ववियु निर्वाचनको मुखमा क्याम्पस भित्र कुनै पनि अराजक काम नगर्न सुझाव दिदै होलिमा कुनै बिकृति नभित्र्याई संस्कृतिका रुपमा मनाउन आग्रह गर्दै अग्रीम शुभकामना समेत ब्यक्त गरे ।
उक्त कार्यक्रममा घैटोफोर कार्यक्रम साथै विद्यार्थीहरुले एकआपसमा अविर लगाईदिदै शुभकामना समेत आदान प्रदान गरिएको थियो ।
प्रतिक्रिया