कपिलवस्तुको सिद्धार्थ क्याम्पसमा खस्यो करिब ७२ प्रतिशत मत, ६ बजेपछि गणना

कपिलवस्तु, ०५ चैत्र । कपिलवस्तुको सिद्धार्थ क्याम्पसमा भएको स्वतन्त्र विद्यार्थी युनियनको चुनावमा करिब ७२ प्रतिशत मत खसेको छ ।

विहान ८ बजेर २० मिनेटमा सुरु भएको मतदानमा अपरान्ह ४ बनेसम्म करिब ७६ प्रतिशत अर्थात् ८ सय ४६ जनाले मत खसेका प्रमुख निर्वाचन अधिकृत गोविन्द खनालले बताए । उनका अनुसार ‘क’ बुथमा ३२२ महिला र १११ पुरुषले मत खसेको छ भने ‘ख’ बुथमा ९० जना पुरुष र ३२३ महिलाले मत खसालेका छन् । क्याम्पसमा कुल ११ सय ७३ मतदाता थिए ।

निर्वाचन अधिकृत खनालले निकै शान्तिूर्ण तवरले मतदान भएको बताए । अब साँझ ६ बजेपछि गणना सुरु हुने उनले बताए । अब मुचुल्का भई सर्वदलीय वैठक बसेर गणनाको काम हुने उनको भनाई छ ।

यस्तै कपिलवस्तुको शिवराज नगरपालिकाको नेपाल आदर्श बहुमुखी क्याम्पसमा कुल ६०० मत मध्ये ४८७ मत खसेको छ । यता समयथान बहुमुखी क्याम्पसमा कुल ३०० मत मध्ये २६४ मत खसेको छ । केही बेरमा सर्वपक्षीय बैठक बसेर गणना सुरु गरिने स्ववियु निर्वाचन अधिकृत जिवलाल भुसालले जानकारी दिनुभयो ।