हरि घिमिरे
कपिलवस्तु, २३ चैत्र ।
कपिलवस्तुको बाणगंगा नगरपालिका वडा न. ७ मा प्राचीन भग्नावशेष फेला परेको छ । बुद्धकालिन इटा सहितको भग्नावशेष मोतिपुर (भैपुरा) स्थित सुपादेउराली मन्दिर नजिकै फेला परेको हो । यत्रतत्र अबस्थामा प्राचीनकालिन इटाका टुक्राहरु रहेको भग्नावशेष फेला परेपछि स्थानियले फेसबुकमा पोष्ट गरेका थिए ।
उक्त पोष्ट देख्न साथ होटल तथा पर्यटन ब्यबसायी संघको टिम उक्त स्थानमा पुगि स्थलगत अबलोकन गरेको छ । इटाका टुक्राहरु संगै इटाबाट निर्मित देवाल पनि रहेको बताईएको छ । उक्त स्थानमा भेटिएका केहि इट्टा होटल तथा पर्यटन ब्यबसायी संघ कपिलवस्तुले तिलौराकोट पुरात्वत बिभाग एबम संग्रहालयलाई बुझाएको छ ।
होटल तथा पर्यटन ब्यबसायी संघले यस्ता अवशेषहरुलाई शंरक्षणमा ध्यानदिन तिलौराकोट पुरात्वत बिभाग एबम संग्रहालयका कार्यालय प्रमुख शान्ती शेर्मालाई ध्यानाकर्षण गराएको संघले जनाएको छ ।
यसैविच होटल तथा पर्यटन ब्यबसायी संघ कपिलवस्तुका अध्यक्ष रविन्द्र पौडेलले धार्मिक तथा पर्यटकिय स्थलहरुको अनुसन्धान, पुराना अवशेषहरु सम्बर्द्धन र प्रबर्द्धन संगै आन्तरिक तथा बाह्य पर्यटक यस जिल्लामा भित्राउन सकिने बताए । उनले यस्ता अवशेषहरु संरक्षण गर्नु स्थानिय सरकारको दईत्व रहेको बताए । पौडेलले भने “पर्यटकिय संम्भावना भएको यस जिल्लामा प्राचिन सम्पदाको शंरक्षण गर्न सकेमात्र पर्यटकको आगमन हुन्छ ।” उनले यस्ता सम्पदाको शंरक्षणमा चासो दिन स्थानिय सरकार तथा पुरात्वत बिभागलाई आग्रह गरे ।
यस्तै उक्त स्थलको तत्काल जगेर्नाको लागि फुलबारी सामुदायिक बन र होटल तथा पर्यटन ब्यबसाइयी संघ कपिलवस्तुले संयुक्तरुपमा तारबारले संरक्षण गर्ने प्रतिबद्धता जनाएका छन् ।
प्रतिक्रिया