महिला सक्षम हुँदा नगरको गरिमा उचोहुन्छ : उपमेयर चौधरी

कपिलवस्तु १२ वैशाख। एकल महिलाहरुको समस्या पहिचान गरेर नगरले कार्यक्रम राख्ने गरेको वाणगंगा नगरपालिकका उपमेयर रिता कुमारी चौधरीले बताउनु भएको छ । मंगलवार वडा नं ११ को एकल महिल वडा स्तरिय भेला तथा समुह गठन तथा अभिमुखीकरण कार्यक्रमलाई समुद्घाटन गर्दै उपमेयर चौधरीले यस्तो बताउनु भएको हो । उहाँले अगाडि भन्नु भयो , एकल महिलाहरुको लागि के आवश्यकता छ , सोहि अनुसारको योजना लिएर आउनुहोस । एकल महिलाहरु सक्षम हुदा नगरको गरिमा उचो हुन्छ , चौधरीले भन्नु भयो । उपमेयर चौधरीले उत्साहका साथ नेतृत्व स्थापित गर्न र अगाडि वढ्न सबै एकल महिलाहरुलाई आग्रह गर्नु भयो ।

कार्यक्रममा वडा अध्यक्ष नगेन्द्र चौधरीले एकल महिलाहरुलाई प्राथमिकताका साथ विभिन्न अवसरहरु प्रदान गर्ने प्रतिवद्धता जनाउनु भयो । पत्रकार महासंघका निवर्तमान उपाध्यक्ष एवं राष्ट्रिय वुद्धदर्पण दैनिकका सम्पादक पार्वती पाण्डेले एकल महिलाहरुलाई सक्षम बनाउनु सरकारको दायित्व भएको औल्याउनु भयो । सिद्धार्थ वचत तथा ऋण सहकारीका अध्यक्ष इन्दीरा भट्राईले एकल महिलाको अधिकार र समुह गठनका बारेमा बताउनु भएको थियो ।

एकल महिला समुहका अध्यक्ष रुपा राईले एकल महिलाहरुका थुप्रै समस्या रहेको जनाउदै ति समस्या र चुनौतीलाई सामना गर्दै महिलाहरु अगाडि बढेको बताउनु भयो। हक अधिकारका लागि सबै एकल महिलाहरु संगठित हुनु पर्नेमा समेत उहाँले जोड दिनु भयो । उपाध्यक्ष टिका कुमारी अधिकारीको स्वागत एवं सचिव शोभा आचार्यको सञ्चालनमा भएको कार्यक्रममा वडाका ३० जना महिलाहरुको उपस्थिती रहेको थियो ।