न्यूजिलैण्डकी पूर्वप्रधानमन्त्रीले छात्रवृत्ति कोटावाट अध्ययन गर्ने

एजेन्सी १५ बैशाख । न्युजिल्याण्डकी पूर्वप्रधानमन्त्री जेसिन्डा आर्डर्नले छात्रवृत्तिमा अमेरिकाको हार्वड विश्वविद्यालयमा अध्ययन गर्नुहुनेभएको छ। आर्डर्नले हार्वड अन्तर्गतको केनेडी स्कुलमा छात्रवृत्ति कार्यक्रममार्फत् अध्ययन गर्ने विश्वविद्यालयलाई उद्धृत गर्दै बीबीसीले जनाएको छ।विश्वविद्यालयमा अध्ययन गर्न पाउँदा आफू निकै उत्साहित रहेको उहाँले उल्लेख गर्नुभएको छ ।
अब उहाँले अर्को चुनावमा उम्मेदवारी नदिने र बाँकी जीवन अध्ययन तथा समाजसेवामा बिताउने घोषणा गर्नुभएको छ। उहाँ ३७ वर्षको उमेरमा सन् २०१८ देखि गएको जनवरीसम्म न्युजिल्याण्डको प्रधानमन्त्री बन्नुभएको हो।उहाँ विश्वकै कान्छी महिला राष्ट्रप्रमुख बन्नुभएको हो । गएको जनवरीमा जेसिन्डा आर्डर्नले अब आफूले पदमा रहेर देशको लागि योगदान गर्न कुनै कुरा बाँकी नरहेको भन्दै पदबाट राजीनामा दिनुभएको थियो।