रास्वपाको नगर कार्यलय उद्घाटन र स्वागत

सीता बेल्बासे
कपिलवस्तु २८ बैशाख । राष्ट्रिय स्वतन्त्र पार्टी वाणगगां नगर समितीको कार्यालय उद्घाटन भएको छ । राष्ट्रिय स्वतन्त्र पार्टीले आफ्नो सङ्गठन विस्तार गर्ने क्रममा कपिलबस्तुको वाणगगांमा पार्टी कार्यालय उद्घाटन गरेको छ । राष्ट्रिय स्वतन्त्र पार्टीका लुम्विनि प्रदेश प्रवक्ता कमल पोख्रेरेलले शुक्रवार एक कार्यक्रमका बीचमा वाणगगां नगरपालिका जितपुर १मा पार्टी कार्यालयको उद्घाटन गर्नुभएको छ ।कार्यक्रममा बोल्दै पोख्ररेले स्वतन्त्र पार्टी उचित समयमा उचित निर्णयका साथ जनताका बिचमा आएको बताउनुभयो ।
जनताले चाहेको परिवर्तनका निम्ति राष्ट्रिय स्वतन्त्र पार्टीको आवश्यकता रहेको बताउनुभयो । उहाँले किसान र मजदुरले तथा युवाको क्षेत्रमा काम गर्दै जहाँसुकै छिटो सेवा सुविधा पाउने व्यवस्था मिलाउने अहिले भइरहेको अर्थतनत्रको समस्या समाधा गर्दै भष्टाचारको अन्त्य गर्ने बताउनु भयो । राष्ट्रिय स्वतन्त्र पार्टीका वाणगगांका नगर सभापति बुद्धिसागर बेल्बासेले अब समाज परिवर्तको बेला भएकाले पुराना कुरा बिर्सेर सबै नागरिक एक हुनुपर्ने बताउनुभयो ।सो अवसरमा रास्वपा प्रबेश गर्नेलाइ स्वागत समेत गरिएको थियो ।