लागू औषधसहित दुई जना व्यक्ति पक्राउ

बुटवल ५ जेठ । बुटवलमा लागूऔषधसहित दुई जना व्यक्ति पक्राउ परेका छन् । पक्राउ पर्नेमा बुटवल उप(महानगरपालिका–११ का ४० वर्षका नारायणप्रसाद सिंजापती र १९ की ४१ वर्षीया माया गुरुङ हुन् ।वडा प्रहरी कार्यालय बुटवलबाट प्रहरी निरीक्षक अर्जुन पौडेलको कमाण्डमा खटिएको प्रहरी टोलीले बुटवल उपमहानगरपालिका नयाँबसपार्कबाट बिहीबार उनीहरूलाई पक्राउ गरेको हो ।उनीहरुबाट १२ ग्राम ३७० मिलिग्राम लागूऔषध ब्राउन सुगरजस्तो देखिने धुलो पदार्थ र स्पास्मोइक लेखिएको ३३ वटा क्याप्सुल बरामद गरिएको छ । उनीहरूलाई लागूऔषध शीर्षकमा मुद्दा दर्ता गरी थप अनुसन्धान भइरहेको प्रहरी निरीक्षक अर्जुन पौडेलले बताए ।