पासाङदावा शेर्पा २७ औँ पटक सगरमाथाको चुचुरोमा, कामीरिताको कीर्तिमान बराबरी

जेठ ८, काठमाण्डौ – पासाङदावा पादवा शेर्पाले २७ औँ पटक सर्वोच्च शिखर सगरमाथाको आरोहण गर्नुभएको छ ।आज सोमवार शेर्पाले २७ औँ पटक सगरमाथाको आरोहण गर्नुभएको सर्भेयर खिमलाल गौतमले जानकारी दिनुभएको छ । उहाँ सोलुखुम्बुको खुम्बु पासाङ ल्हामु गाउँपालिका–४ का बासिन्दा हुनुहुन्छ ।

योसँगै पासाङदावा शेर्पा र कामीरिता शेर्पाको सगरमाथा आरोहण बराबरी भएको छ । कामीरिता पनि २७ औँ पटक सगरमाथा पुगिसक्नुभएको छ । पासाङदावा शेर्पाले यही सिजनमा दोस्रो पटक सगरमाथा आरोहण गर्नुभएको हो ।अब कामीरिताले २८ औँ पटकको आरोहणका लागि तयारी थाल्नुभएको र मौसमले साथ दिएमा भोलि मङ्गलवार नै आरोहण थाल्ने गौतमले बताउनुभएको छ ।