वडाध्यक्ष र सचिवविरुद्ध भ्रष्टाचार मुद्दा दर्ता

जेठ १२,
काठमाडौं– धनुषाको जनकपुरधाम उपमहानगरपालिका–११ का वडाध्क्ष र वडासचिवविरुद्ध भ्रष्टाचार मुद्दा दायर भएको छ।अख्यितार दुरुपयोग अनुसन्धान आयोगले शुक्रबार वडाध्यक्ष अर्जुनकुमार चौधरी र सचिव माधवकुमार रायविरुद्ध भ्रष्टाचार मुद्दा दायर गरेको हो।
जग्गा दर्ता कायम गर्ने सर्जमिन मुचुल्काको रोहबरमा दस्तखत गर्न सेवाग्राहीसँग घुस, रिसवत माग गरिरहेको भन्ने सूचना एवं उजुरी निवेदनका आधारमा अख्तियारको कार्यालय, बर्दिवासबाट खटिएको टोलीले उनीहरुलाई ५० हजार घुसहित रंगेहात पक्राउ गरेको थियो।
चौधरी र रायको आपसी योजना तथा मिलोमतोमा जग्गा दर्ता नामसारी गर्ने प्रक्रियामा सर्जमिन मुचुल्काको रोहवरमा सहिछाप गर्नको लागि सेवाग्राहीसँग ५० हजार घुसररिसवत माग गरी लिएको पुष्टि भएपछि मुद्दा दायर गरिएको अख्तियारको भनाइ छ।