१६औं गणतन्त्र दिवसको अवसरमा सिनर्जीद्धारा वृक्षारोपण

कपिलवस्तु, १५ जेठ ।
१६औं गणतन्त्र दिवसको अवसरमा सिनर्जी बहुउद्देश्यीय सहकारी सस्था लिमिटेडले वृक्षारोपण गरेको छ । नेपाली जनताको सङ्घर्षबाट देशमा संघीय लोकतान्त्रिक गणतन्त्र संस्थागत भएको स्मरण गर्दै सिनर्जीले वृक्षारोपण गरेको हो ।

सिनर्जी बहुउद्देश्यीय सहकारीले बाणगंगा वडा न. ८ मा रहेको ओशो तथागत आश्रम वालापुरमा वृक्षरोपण गरेको हो । वृक्षरोपणमा वर, पिपल तथा स्वमीका विरुवा रोपण गरिएको छ । विरुवा रोप्ने मात्र हैन त्यसलाई हुर्काेउने जिम्मा समेत सिनर्जीकै रहेको बताईएको छ ।

सिनर्जी बहुउद्देश्यीय सहकारीका संचालक तथा कर्मचारीको उपस्थितीमा विक्षारेपण गरिएको थियो । नेपालमा सङ्घीय लोकतान्त्रिक गणतन्त्र घोषणा भएको ऐतिहासिक दिनको सम्झनालाई चिरस्थायी बनाउन प्रत्येक वर्षको जेष्ठ १५ गते लाई गणतन्त्र दिवसको रुपमा मनाउदै आइरहेको छ ।