२२ जेठ, गुल्मी । गुल्मीको पर्यटकीय क्षेत्र रेसुङ्गाको प्रचार प्रसार गर्नका लागि रेसुङ्गा नगरपालिकाले ‘जाउँ हिंड रेसुङ्गा’ अभियान सुरु गरेको छ । रेसुङ्गा क्षेत्रसम्म अभियान मार्फत धेरै पर्यटक लैजाने उदेश्यले ‘जाउँ हिंड रेसुङ्गा’ सुरुवात गरिएको नगरप्रमुख खिलध्वज पन्थीले जानकारी दिनुभयो ।
नगरप्रमुख पन्थीले एक कार्यक्रमका बीच अभियानको शुभारम्भ गर्नुभएको छ । रेसुङ्गा धार्मिक तथा पर्यटकीय हिसाबले धेरै महत्वपूर्ण क्षेत्र मानिन्छ । तर, अहिलेसम्म रेसुङ्गामा सोचे अनुसार पर्यटकहरु पुग्न सकेका छैनन् । अभियान शुभारम्भको पहिलो दिन ‘जाउँ हिंड रेसुङ्गा’ लेखेको टिसट लगाएर करिब १ सय ५० जनाको टोली रेसुङ्गा पुगेका थिए ।
कार्यक्रमको सुरुवात गर्दै नगरप्रमुख पन्थीले रेसुङ्गा क्षेत्रको प्रचारप्रसार गरी पर्यटकीय क्षेत्रको रुपमा विकास गर्न अभियान सञ्चालन गरिएको जानकारी दिनुभयो । एक वर्षमा करिब एक लाख आन्तरिक र बाह्य पर्यटकहरुलाई रेसुङ्गा ल्याउने योजना बनाएको पन्थीले बताउनुभएको छ । पर्यटनको माध्यमबाट रेसुङ्गाको प्रचारप्रसार र युवाहरुलाई रोजगारी सृजना गर्ने लक्ष्य रहेको उहाको भनाइ छ ।
प्रतिक्रिया