हुण्डी कारोवारी एक महिला ३३ लाख रुपैयाँ सहित पक्राउ

बुटवल ६ असार ।हुण्डीको कारोवार हुने गरेको सुचना पाएको काठमाण्डौ प्रहरीले बौद्धको एक हस्तकला पसलमा छापा मारेर श्रोत नखुलेको साढे ३३ लाख रुपैयाँ बरामद गरेको छ। उक्त रकम हुन्डीको हुन सक्ने प्रहरीको आशंका छ।
काठमाडौं प्रहरी परिसरका अनुसार हुण्डीको कारोबार भइरहेको आशंकामा हिमालय हस्तकला पसलमा छापा मारिएको थियो। प्रहरीले पसलमा काम गर्ने व्यक्तिलाई पनि नियन्त्रणमा लिइएको जनाएको छ।
जिल्ला प्रहरी परिसर काठमाडौंका एसपी सिताराम रिजालका अनुसार पक्राउ पर्नेमा मनाङ हिस्याङ गाउँपालिका ४ की ३० वर्षीया कर्मा ल्यामो गुरूङ छन्।
हुन्डीको कारोबार भइरहेको भन्ने सूचना पाएपछि प्रहरी वृत्त बौद्धबाट डिएसपी हरि बस्नेतको नेतृत्वमा खटिएको टोलीले उनलाई पक्राउ गरेको पप्रहरीले जनाएको छ।