गर्मी बढेपछि चिसो झरनाको सहारा खोज्दा २ जनाको एकैदिन मृत्यु

पाल्पा ६ असार। पाल्पामा डुबेर दुई जना पुरूषको मृत्यु भएको छ । पाल्पाको तिनाउ गाउँपालिकास्थित तिनाउ नदी र रैनादेवी छहराको जलुके झर्नामा डुबेर दुई जना पुरूषको मृत्यु भएको हो ।मृत्यु हुनेमा भारत देश गोरखपुर फत्तेपुर बस्ने ३४ वर्षका विपिन धुँसिया र रुपन्देही जिल्ला शुद्धोदन गाउँपालिका–२, बस्ने २२ वर्षका सन्जय चौधरी रहनुभएको छ ।
सोमबार बेलुकी साढे ५ बजेतिर तिनाउ–३, शिद्धबावा नजिकै तिनाउ नदीमा साथीहरूसँगै पौडी खेल्ने क्रममा धँसिया र रैनादेवी छहरा–८, जलुकेस्थित जलुके झर्नामा साथीहरूसँगै पौडी खेल्न जाँदा बेलुकी ६ बजेतिर डुबेर चौधरीको मृत्यु भएको जिल्ला प्रहरी कार्यालय पाल्पाका सूचना अधिकारी वीरेन्द्र थापाले जानकारी दिनुभयो ।दुबैजनाको उपचारका लागि लुम्विनी प्रादेशिक अस्पताल बुटवलमा लगिएको थियो । यद्यपी दुबैजनाको मृत्यु भइसकेको थियो ।