भैरहवामा थपियो अर्को पाँचतारे : रुपन्देहीमा होटलको संख्या ३ पुग्यो

भैरहवा १४ असार । सिद्धार्थ बिजनेस ग्रुप अफ हस्पिटालिटी प्रालिले रुपन्देहीको भैरहवामा पाँचतारे होटल थपिएको छ । साढे दुई अर्ब लगानीमा निर्माण गरिएको सिद्धार्थ बिलासा होटलको सञ्चालन सुरु भएको छ । रुपन्देहीमा यो तेस्रो पाँचतारे होटल हो ।यसअघि पाँचतारे होटलको रूपमा टाइगर पार्टी प्यालेस र पवन इन्टरनेशनल सञ्चालनमा छन् । सिद्धार्थ बिजनेस ग्रुपले २५ वर्षअघि कैलालीमा सामान्य खाजा पसल सञ्चालन गरेर व्यावसायिक यात्रा सुरु गरेको थियो । भैरहवा अञ्चलपुर प्रहरी चेकपोस्टदेखि दुई सय मिटर पश्चिमतिर मायादेवी गाउँपालिका वडा –८ मा पाँचतारे होटल निर्माण गरिएको छ ।