घुस खाएका डिएसपी ठग बहादुरको फाइल क्लोज

बुटवल १० साउन।गृह मन्त्रालयले इलाका प्रहरी कार्यालय, बुटवलका तत्कालीन प्रहरी नायब उपरीक्षक (डीएसपी) ठगबहादुर केसीलाई बर्खास्त गर्ने निर्णय गरेको छ ।सुनचाँदी व्यवसायीसँग घुस लिएको आरोप लागेका डीएसपी केसीलाई प्रहरी प्रधान कार्यालयको सिफारिसमा गृह मन्त्रालयका सचिव दिनेश भट्टराईले सोमबार बर्खास्त गरेका हुन् ।यो संर्ग उनको मुद्धाको फाइल क्लोज भएकोछ ।
केसीलाई भविष्यमा सरकारी सेवामा अयोग्य नठहरिने गरी बर्खास्त गरिएको पत्र मन्त्रालयबाट प्राप्त भएको प्रहरी प्रवक्ता डीआईजी कुवेर कडायतले जानकारी दिए ।केसी इलाका प्रहरी कार्यालय बुटवलमा रहँदा सुन व्यापारी किसन बिकसँग ‘घुस’ लिएको घटनामा निलम्बनमा परेका थिए । केन्द्रीय अनुसन्धान ब्यूरोको टोलीले उनको निवासबाट प्रहरीले ३५ तोला सुन, ८ लाख ५० हजार रुपैयाँ नगद, ९ लाख ५० हजारको चेक बरामद गरेको थियो ।