सामुदायिक विद्यालयलाई कमजोर पार्ने विद्ययेक अस्वीकार्य : महासंघ

कपिलवस्तु ३१ साउन । कपिलवस्तुका सामुदायिक विद्यालय ब्यवस्थापन समिति महासंघले मन्त्री परिषदले पारित गरेर सदनमा विद्ययेकका रुपमा प्रस्तुत हुदै गरेको शिक्षा ऐन स्वीकार्न नसकिने स्पष्ट पारेको छ । महासंघ कपिलवस्तुका अध्यक्ष डिल्लीराम भुसालले विद्यालय शिक्षा सम्वन्धि कानुन संशोधन र एकिकृत गर्न वनेको विद्ययेक प्रतिगामी रहेको स्पष्ट पार्नु भयो । उहाले सामुदायिक विद्यालयको ब्यवस्थापन समितीको अध्यक्षमा वडाध्यक्षलाई राख्ने ब्यवस्थाले शैक्षिक सस्था कमजोर हुने भन्दै अभिभावककै प्रत्यक्ष सहभागितावाट समिती छनौट हुने ब्यवस्था गर्न महासंघले जोडदार माग गरेको वताउनु भयो । यो विद्ययेक जस्ताको तस्तै पारित हुन नदिन सबैले कडा रुपमा प्रतिवाद गर्न समेत महासंघले अपिलगरेको अध्यक्ष भटराइले प्रेसपाटीलाई जानकारी दिनु भयो । शिक्षा विज्ञान तथा प्रविधी मन्त्रीलाई कपिलवस्तुको शिक्षा विकास तथा समन्वय इकाई मार्फत ज्ञापन पत्र पेश गरेपछि महासंघले आफ्नो धारणा प्रष्ट पारेको हो ।