चन्द्रौटा, १३ भदौ ।
आन्तरिक राजश्व कार्यालय कृष्णनगर कपिलवस्तुले आगामी सोमवार चन्द्रौटामा करदाताहरुको बायोमेट्रिक गर्ने भएको छ । चन्द्रौटा उधोग वाणिज्य संघको पहलमा राजश्व कार्यालय कृष्णनगरले भदौ १८ गते सोमवार वायोमेट्रिक गर्न लागेको हो ।
नेपाल सरकारले पान र भ्याटमा भएका करदातालाई वायोमेट्रिक प्रणालीमा दर्ता अनिवार्य गरेपछि राजश्व कार्यालय विवरण संकलनको लागी चन्द्रौटामा आउन लागेको चन्द्रौटा उधोग वाणिज्य संघका अध्यक्ष ईश्वरी प्रसाद पाण्डेले वताउनुभयो ।
अध्यक्ष पाण्डले वायोमेट्रिकको लागी सोमवार आफनो पान र नागरिकताको प्रतिलिपि लिएर स्वंयम व्यक्ती उपस्थीत हुनुपर्ने वताउनुभएको छ । करदाताको विधुतीय औंठा छाप , आखाँको रेटिना र हस्ताक्षर संकलन गरिनेभएकाले स्वयम व्यक्ती उपस्थीत हुनुपर्ने वताउनुभएको हो ।
करदाताको सजिलोको लागी चन्द्रौटा उधोग वाणिज्य संघको नव निर्मीत भवन परिसरमा विवरण संकलनको कार्य गरिने भएकाले अनिवार्य उपस्थीतको लागी संघले आग्रह गरेको छ ।
प्रतिक्रिया