घाँस काट्ने क्रममा करेन्ट लागेर मृत्यु

चन्द्रौटा,२४ भदौ ।
कपिलवस्तुमा करेन्ट लागेर एक जनाको मृत्यु भएको छ । शिवराज नगरपालिका १ शिवपुर बनकसबासामा रुखमा चढेर घाँस काट्ने क्रममा आइतबार बिहान ज्यान गएको हो । मृत्यु हुनेमा अन्दाजी ५० वर्षका धन बहादुर थापा (काले) रहेका छन् । उनले विगत केही समय देखि स्थानीयहरूलाई घाँस दाउरा दिएर खाने बस्ने गरेका थिए । उनका परिवारका कुनै पनि सदस्य यहाँ नरहेकोले सम्पर्क गर्ने प्रयास भइरहेको वडा अध्यक्ष खिम विक्रम केसीले बताउनुभयो । बिहान पानी परिरहेकोले रुखमा चढेको समय करेन्ट लगेको बताइएको छ । उनको घटना स्थलमै मृत्यु भएको हो । थापाको शवलाई पोष्टमार्टको लागि जिल्ला अस्पताल तौलिहवा लगिएको वडा प्रहरी कार्यालय चन्द्रौटाले जनाएको छ ।