प्रहरीद्धारा मृतकका श्रीमान र सासु नियन्त्रणमा

कपिलवस्तु ३ असोज ।कपिलवस्तुको यशोधरा गाउपालिका– १ पकडी स्थित घरमा मृत अवस्थामा भेटिएकी महिलाको मृत्यु शंकास्पद रहेको भन्दै प्रहरीले श्रीमान र सासुलाई नियन्त्रणमा लिएको छ । मंगलावर राति १० बजेतिर स्थानीय २२ बर्षिया नसिमा खातुन आफ्नै घरको बरन्डामा रहेको खाटमा मृत फेला परेका थिईन । घटना लगत्तै प्रहरीले मृतक महिलाका श्रीमान प्रबेजआलम धुनिया, सासु साजिामा धुनिया, ससुरा जाकिर हुसने धुनिया, देवर तरबेज अहमद, नन्द रुक्सार खातुनलाई नियन्त्रणमा लिएको प्रहरी नायब उपरिक्षक गंगा बहादुर थापाले बताए ।
उता मृतक महिलाकी आमा भारतको सिद्धार्थनगर थाना मोहोना पोस्ट बर्डपुर १०मदरापुरकी आशिया खातुनले ज्वाई प्रबेज आलम र सम्धिनी साजिामा धुनिया बिरुद्ध ज्यान सम्बन्धी कसुरमा किटानी जाहेरी समेत दिएकी छिन । घटनामा नियन्त्रणमा लिइएको सबै जनासंग प्रहरीले सोधपुछ गरेको थापाले बताए । मृतकका श्रीमान र सासु बिरुद्ध किटानी जाहेरी परकोले ती दुई जनामाथी मुद्दा चलाईने अन्यलाई बोलाएको बखत हाजिर हुने गरी रिहा गरिने थापाले बताए । घटनाको अनुसंधान भईरहेको प्रहरीले जनाएको छ । शवलाई पोस्टमर्टमकालागि कपिलवस्तु अस्पताल पठाइएको छ ।