हरि घिमिरे, ११ असोज ।
होटल तथा पर्यटन व्यवसायी संघद्वारा जगदिशपुर तालको सरसफाइ गरिएको छ । विश्व पर्यटन दिवसको अवसरमा बुधवार जगदिशपुर तालको सरसफाइ गरिएको हो ।
संघले जिल्लामा अवस्थित विश्व सिमसार क्षेत्रमा सूचिकृत जगदिशपुर तालको करिब १ किलो मिटर क्षेत्र परिसर सरसफाइ गरिएको संघका अध्यक्ष रविन्द्र पौडेलले बताए ।
उनले प्राणी जगतको प्राणको रुपमा रहेको सिमसार क्षेत्रको सरसफाइले पर्यटन व्यवसायमा योगदान पुर्याउ सक्ने भएकाले सरसफाइ गरको बताए ।
संघले प्राचीन कपिलवस्तुका होटल व्यवसायी द्वारा आन्तरिक तथा बाह्य पर्यटकहरूलाई यही असोज १० देखि १७ गते सम्म लजिङ्ग र फुडिङ्गमा १५ प्रतिशत छुट दिने भएको छ ।
पर्यटन व्यवसायलाई उत्साहित गर्नका लागि होटल व्यवसायको लजिङ्ग र फुडिङ्गमा १५प्रतिशत छुट दिने भएको हो ।
सरसफाइ अभियानमा होटल तथा पर्यटन व्यवसायी संघ कपिलवस्तुका कार्यसमितिका पदाधिकारी, समाजसेवी बुद्धिजीवी, लगायतको उपस्थिति थियो ।
प्रतिक्रिया