कपिलवस्तु, १३ असोज ।
कपिलवस्तुमा नार्कोटिक र साइकोट्रोपिक औषधि ह्यान्डलिंग र व्यवस्थापन सम्बन्धी एक दिने तालिम हुने भएको छ । औषधि व्यवस्था विभाग मा दर्ता व्यबसायि, फर्मासिस्ट तथा सहायक फार्मसिस्ट हरूको गुणस्तर वृद्धि गर्ने उद्देश्यले तालिमको आयोजना गरिएको हो ।
तालिममा नार्कोटिक र साइकोट्रोपिक औषधिको ह्यान्डलिंग र व्यवस्थापनमा जोड दिइने जनाईएको छ । बाणगंगाको पिस हिमालयन रिसोर्टमा आइतबार भोलि असोज १४ गते तालिम हुने आयोजकले जनाएको छ ।
तालिमको नेपाल फार्मेसी संघ कपिलवस्तु र नेपाल औषधि व्यवसायी संघ कपिलवस्तुले आयोजना गरेका छन् । जसको संरक्षक संस्थाको रुपमा नेपाल फार्मेसी संघ केन्द्रीय समिति तथा लुम्बिनी प्रदेश समिति रहेको छ । तालिममा औषधि व्यवस्था विभाग बिजुलीबजार काठमाण्डौले प्रविधिको सहयोग तथा तालिम प्रदान गर्ने छ ।
प्रतिक्रिया