कपिलवस्तु, १५ असोज ।
विश्व अहिंसा दिवसको अवसरमा ईलाका प्रहरी कार्यालय पिपरा कपिलवस्तुले अहिंसा सम्बन्धी सचेतना कार्यक्रम गरेको छ । बाणगंगा नगरपालिका वडा न. २ हाटवजार नजिकै अहिंसा सम्बन्धी सचेतना कार्यक्रम गरिएको हो ।
कार्यक्रममा इलाका प्रहरी कार्यालय पिपराका शुरक्षाकर्मी, व्यवसायी, स्थानिय, यात्री लगायत विभिन्न व्याक्तिहरुको उपस्थिती रहेको थियो ।
हरेक वर्ष अक्टोवर २ का दिन विश्वभर विभिन्न कार्यक्रम गरि अहिंसा दिवस मनाउने गरिन्छ । विश्वभर अशान्ति, आतंकवाद र हिंसा बढ्दै गएको सन्दर्भमा सन् २००७ को संयुक्त राष्ट्र संघको महासभाले सर्वसम्मतिले महात्मा गान्धीको जन्मजयन्तीको अवसर पारेर २ अक्टोबरलाई अन्तर्राष्ट्रिय अहिंसा दिवस घोषणा गरेको थियो ।
सन् २००८ देखि राष्ट्र संघका १ सय ९३ सदस्य राष्ट्रले अहिंसा दिवस मनाउन सुरु गरेका हुन् । नेपालमा पनि यो दिवस सन् २००८ देखि मनाउन थालिएको हो ।
प्रतिक्रिया