तुलसीपुर, ०१ कात्तिक । दाङको तुलसीपुरबाट बधुबार दिउँसो एक लाख लुटेर भागेका दुई युवालाई प्रहरीले पक्राउ गरेको छ ।पक्राउ पर्नेमा तुलसीपुर उपमहानगरपालिका – ५ संझना टोलका २१ बर्षीय आयूस बिक र सोही ठाउँका १८ बर्षीय सुनिल मगर रहेको इलाका प्रहरी कार्यालय तुलसीपुरका प्रमुख डिएसपी ठाकुर पोखरेलले फरककोणलाई बताए ।
तुलसीपुर – ८ का दिनेश वलीले बैंकबाट एक लाख रुपैंया निकाले लगतै पिछा गरि उनीहरुले लुटपाट गरेका थिए । साथी संग गएका वलीको सुरुमा मोवाइल लुटेर नगद एक लाखपनि लुटेर उनीहरु भागेका थिए ।
लुटपाट भएको खबर पाउना साथ इलाका प्रहरी कार्यालय तुलसीपुर, नयाँ बसपार्क र बेलुवा प्रहरी चौकीबाट प्रहरी परिचालन भएको थियो । तीन तर्फबाट प्रहरीले घेराहाली लुटेराको खोजी थालेको थियो ।
प्रहरीले पिछा गर्दै जाने क्रममा तुलसीपुर – १० राइखल्यान क्षेत्रबाट उनीहरुलाई पक्राउ गरेको हो । पक्राउ परेकाहरु माथि थप अनुसन्धान हुन बाँकी रहेको प्रहरीले बताएको छ ।
प्रतिक्रिया