पत्रकार केसीलाई रोटरी क्लबको ५५ हजार २ सय २७ सहयोग

कपिलवस्तु, १९ कात्तिक ।

ब्लड क्यान्सरबाट पीडित रहेका पत्रकार दीपक केसीलाई रोटरी क्लब कपिलवस्तुले आर्थिक सहयोग गरेको छ । क्लबको नियमित बैठकको अवसर पारेर क्लबका सदस्यहरूबाट सङ्कलित भएको रु ५५,२२७ रकम हस्तान्तरण गरिएको छ ।

भारतको दिल्ली अवस्थित राजिवगान्धी क्यान्सर अस्पतालमा उपचाररत केसीको शीघ्र स्वास्थ्य लाभको समेत कामना गरिएको थियो ।

सामाजिक काममा निरन्तर रहेका केसीको उपचारको लागि क्लब परिवारबाट उक्त रकम प्रदान गरिएको अध्यक्ष विष्णुमाया आर्यालले बताउनुभयो ।

रोटरी क्लबका असिस्टेन्ट गभर्नर वासुदेव घिमिरेले उक्त रकमलाई उपचारमा सहजता हुने बताउनुभयो । क्लबले विश्वभर नै सामाजिक काम गर्ने भएकोले कपिलवस्तु गरेका कामहरू प्रति आफू सन्तुष्ट रहेको जिकिर गर्नुभयो ।

बैठकले भूकम्पबाट मृत्यु भएकाहरू प्रति श्रद्धाञ्जली,घाइतेहरू प्रति शीघ्र स्वास्थ्य लाभको कामना गरेको छ । साथै देउसी भैलोको तयारी गर्ने,जाजरकोटमा रहेका भूकम्प पीडितलाई रहतकोलागि पहल गर्ने निर्णय गरिएको छ ।

बैठकमा पूर्व अध्यक्षहरू टोपलाल पोख्रेल,प्रकाश पौडेल,ज्ञानु पोख्रेल,विष्णु भट्टराई,राजकुमार क्षेत्री,तोयानाथ गैरे रोटर्याक्ट क्लवका अध्यक्ष माया बस्नेत लगायतको सहभागिता रहेको थियो ।